Riflessioni dal 01/09/2021 al 30/09/2021

01/09/2021

Ad Amos ci lu dissi Amasia
vattinni nterra meglia ca' ci sia
ma ca' vidi tu no nun ci po' stari
menu ancora po' profetizzari

Geremia lu jttaru nta cisterna
periculusa so parola eterna
ma quàrcunu n'appi granni rimorsu
ci porta' lu pani si tinni l'ossu

Gesù jttatu fora dà so città
pinsannu di livarici libertà
di parlari du Spiritu divinu
rivelari o munnu lu Calapinu

E quannu rista' sulu pi la via
turna' a pridicari in periferia
la sogira a Pitrinu ci la guari'
la Parola a tutti lu cori grapi'

Cristu lu piluni di divisioni
chiddu ca' po' fa vera cuminioni
Parola crisci in periferia
unni avi chiù aria e largasia

La storia dà Chiesa è tutta ca'
s'astuta si ferma sula in città
ma quannu scegli la periferia
crisci, si rinforza pi nova via.

02/09/2021

Nta li mani di l'omu la criazioni
ma Iddu la trasforma' in coalizioni
cumannari è megliu di ogni cosa
ti dugnu li spini e mi pigliu la rosa

Cu cumanna è giustu fa li liggi
ma nun sempri cerca li pareggi
ti fa caminari comu li granci
e po' lassa ca' cu chiangi chiangi

La natura nun va mai a pareggiu
è ricca e porta a tutti vantaggiu
all'omu, a l'armali, a tutti cosi
lassala fari e tu cogli rosi

L'olivu, lu focu, puru la viti
dissiru no pi circarisi voti
rinunziaru tutti a cumannari
ni basta ca' semu, è megliu dari

Cu ammutta e grida pi ci stari
è lu rovu ca' sparti pi campari
pocu fruttu pi quantu eni bonu
nun abbruscia pi Diu: menti tronu

Ni jurnati dedicati o criatu
semu chiamati a dari a tutti jatu
L'omu è chiamatu ad essiri Re
cu lu serviziu comu a Santa Fé.

08/09/2021

Susi la to manuzza nicaredda
figlia, matri di na prummisa bedda
binidici tutti ca ti priamu
ca' pi tanti motivi mali stamu.

Milanu granni Tempiu ti dedica'
Isabella cu cira ti plasma'
facciuzza tunna duci e surridenti
nun ci manca nenti mancu li denti.

Giru fici tra monaci e parrini
a tutti lassava li cori chini
nfini vinni a Ciceri Spitali
cu monachi malati terminali.

Giulia novizia pi ncidenti forti
da ristari mpalata sinu a la morti
la vosi abbrazzari di vicinu
fu miraculata a primu matinu.

Monachi da Bammina li chiamaru
nun avianu titulu, amaru
lu nomu e la missioni ci la detti
Cu si fida' di Diu sutta tetti.

Tempiu novu nicareddu e beddu
ci dedicaru cu cori e ciriveddu
granni beni fa sempri la Bammina
a cu la prega cu speranza china.

Nu ca' semu ancora marturiati
da lu virus tintu ncatinati
a Idda ni stringemu forti
ni libera da piccati e morti.

14/09/2021

Cristu Gesuzzu miu aduratu
Tu si figliu di Diu glorificatu
teni pi tia nuddu privilegiu
ca' pi la to natura è elogiu.

Tu ca' senza li chiacchiari si Diu
vististi natura di l'omu piu
addivintasti po' tuttu piccatu
senza essiri ma a Diu ngratu.

Ti facisti "Si" sempri bidienti
fin'a la morti stringisti li denti
a na morti dura senza na vuci
la to fu terribili morti ncruci.

Pi chissu lu Patri to' ti esalta'
e ti detti nomu di regalità
mai nuddu cussi' prima di tia
nun lu trovi mai chiù pi la via.

Ogni dinocchiu s'avi a piegari
ogni omu t'avi ad adurari
ncelu, nterra, e ncapu ogni mari
pirchi' l'omu vinisti a sarvari.

Cristu, si veramenti lu Signuri
ogni lingua t'avi a proclamari
a gloria du Patri onnipotenti
e la sarvizza di tutta la genti.

15/09/2021

A li pedi d'a cruci c'è la luci
nun s'astuta mancu dintra a nuci
trasi dintra lu cori di l'amici
sinu a pirdunari li nimici.

Si fici scuru ncapu tutt'a terra
nuddu capì la terribili guerra
dda la luci veramenti ma' manca'
cu Cristu c'è Via Vita Verità.

La Luci parla', priga' e pirduna'
nto cori d'a Matri li figli lassa'
Spiritu so' a lu Patri cunsigno'
a compimentu ogni opira purto'.

Maria sta a li pedi di la cruci
abbrazza ogni vita ca' straluci
Cristu ca' torna n'a vita di prima
ogni arma ca' cu Iddu camina.

Chissa è la pietà ca' ni mancava
la morti ca' vita assa' disiava
nta li vrazza di Maria tutta china
di Jatu divinu: amuri a lavina.

Divotu di Maria ca fermu sta
gridala a lu munnu sta virità
o poviru nun manca no lu pani
Maria si, ca' ammazza lu cani.

16/09/2021

Un pizzuddu di pani profumatu
a li pedi du Signuri cadutu
quarcunu ci ni fici addunari
pinsannu di putillu giudicari.

L'avia nvitatu ad un so' banchettu
ma era tuttu un tranellu perfettu
si parla tantu di Gesù profeta
videmu com'e' fatta la so' crita.

Quannu vitti dda scena nsavani'
vulia diri tanti così, si susi'
lu Signuri lu capi' lu previnni
Simuni, ascuta, lu beni vinni.

Du debitura a lu stessu Signuri
su pirdunati cu lu stessu arduri
cu l'ama' chiossà sinu a la fini
si tutti du eranu o confini?

Cu appi pirdunata la chiu' summa
data la gravità di ogni fiamma
giustu dicisti, judicasti beni
pensa a sta criatura a li so peni.

Donna, sì pirdunata forti assa'
lo to' amuri totali è qualità
anchi tu Simuni ha lu pirdunu
nun ha curpi, ti senti menu chinu.

17/09/2021

Cu Maria prima du discepulatu
c'è nu gruppu di donni accreditatu
pari senza nudda ufficialità
servinu lu Signuri cu libertà.

Lu fannu cu gratitudini e amuri
pirchi' gratificati e liberi di curi
nta nu munnu cu tanti vii scuri
si movinu sempri avanti e sicuri.

Nun sunnu schiavi e mancu sirvienti
nun sunnu Colfi e mancu badanti
sunnu nverita' discepuli sinceri
jucannu forti la vita e li so aviri.

Maddalena, Giuvanna, e Susanna
cu tanti autri organizzati a banna
eranu a la cruci e doppu mortu
foru li primi a vidilu risortu.

Lu Vangelu è veru gioia e luci
cu forza e libirtà ti cunnuci
trasi tu puru in discipulatu
avrai Cristu e Maria o latu

20/09/2021

Na valatedda, marmaru gessatu
cavatu fora cu mezzu minutu
mancu rifilatu né livigatu
segnati sulu l'anguli: quatratu.

È culurata cu na Madunnuzza
assittatedda ncapu na visazza
a li pedi di la cruci arrussicata
di lu sangu du Signuri raccamata.

Maria è a centru di la scena
nivura, ma nfunnu c'è luci china
so facci misiricordia dici
na lacrima sula, la vita cunnuci.

Gesù mbrazza a so matri addulurata
cu na tila sutta accummadata
li so vrazza sunnu abbannunati
li capiddi da la matri stringiuti.

La carni porta signi di virgati
li dinocchia sunnu tutti du scurciati
custatu dici lancia di Longinu
facci dici amuri a lu malandrinu.

O latu n'angiliddu nicu nicu
teni la manu santa di l'amicu
troppu forti duluri a taliari
si vota di latu senza mollari.

22/09/2021

Giannettini cardinali truva' l'ossa
cu commissioni fici na mossa
appi cirtizza dopu na visioni
ca' fu salutari consulazioni.

Sinibaldi so nobili famiglia
bedda saputita e santa figlia
pi quanti pritinnenti avia avutu
Rusalia scigli' Cristu lu Vutu.

A Santu Stefanu di la Quisquina
fu romitoriu a la matina
lu ncidi' nta la roccia beddu granni
so Amuri pi Cristu a tutti banni.

Po' a Palermu truva' antru locu
munti Piddirinu cu l'acqua e lu focu
na grutta naturali la ospita'
e Cristu lu sposu l'acqua ci manna'.

Palermu la chiamani pi la pesti
Rusalia risposti desi lesti
Patruna la chiama' lu miritava
a mari a l'annu lu focu lava.

Ora pi tutti idda la Santuzza
carru avi cu cavaddi di grazza
Viva Palermu e santa Rusalia
gridamu pi amuri ni la via.

23/09/2021

La tonaca è chidda di Franciscu
lu cappucciu lu dici novu di friscu
lu curduni è sempri lu stissu
attaccata curuna, crucifissu.

Ma c'è quarcosa ca' nun mi cunvinci
talianulu bonu si evinci
avi li manu ammucciati cu nguanti
lassannu liberi ita, movimenti.

Franciscu a lu seculu chiamatu
Piu fani quannu sacrificatu
si misi nta li mani du Signuri
sequela pi aiutari lu Redenturi.

Chiamatu a soffriri tantu assa'
pi la granni prova di la libirtà
chiaghi manu avi tutta a vita
ma scumpareru a la dipartita.

L'omu dopu ci misi la parti so'
fici lu focu e lu commentu fumo'
Piu esiliatu nti la so cella
nun vidi a nuddu e nun si ribella.

Turna' comu prima o cunfessionali
lassa' signi e servizi geniali
pi sani, malati e piddirini
fari arrivari tutti a la fini.

La so' festa oj è di duviri
pi nu si' campari e nun muriri
cunversioni è la condizioni
paci nto cori e la binidizioni.

24/09/2021

C'è na cammisa nova culurata
è tutta di sanguzzu tacchiata
la vistia dda matina cunfusu
Livatinu, lu Judici carusu.

Na storia di onesta civiltà
ca' nun s'inchina a vili nfamita'
lu difficili compitu facia
fidannusi di Diu e di Maria.

Nun putia fari lu senaturi
accupava granni postu d'anuri
cu tanta vera risponsabilita'
facia la Giustizia cu Virità.

Lu jatu di la mafia sintia
a lu so coddu mentri ca' scrivia
senza scorta e mancu nu blindatu
Canicattì - Agrigentu: sudatu.

Lu pigliaru comu lebbru a caccia
na machina, un moturi e armi mbrazza
lu fineru mezzu a lu tirrenu
mittennu a la Giustizia, frenu.

La Virità si piglia' la rivalsa
cu la Fidi, la Giustizia e la Kalsa
pena pi mandanti e accattati
mentri Iddu scala Santitati.

27/09/2021

Annibali passa' cu l'elefanti
grapi' na via a santi e briganti
lu fici pi risposta a li Romani
Vicenzu pi serviri cristiani.

Addivinta' parrinu pi un magnati
sirvi' Cristu vicinu a carzarati
fallia' e finì a Tunisi schiavu
du anni: turna' e fu veru bravu.

Mperiferia ncuntra' la povertà
e nasceru li Dami di Carità;
manca cu fa surviza dilicati:
fici nasciri li soru Cappellati.

Po' pinsa' a nsignari li duttrini,
dannu vita a li Patri Lazzarini;
la chiesa di San Lazzaru rinasci
e ancora oj a cu voli pasci.

N'omu tuttu mpastatu di Carità
ca' senza Diu, nenti fa, mpedi nun sta
Iddu stissu rifiuta' priviligi
a li figli ci la detti pi liggi.

L'unicu privilegiu è l'Amuri
ca' abbrazza Diu e ogni cori;
poviru o malatu passa prima
Gesù Cristu è la vera cima.

L	M	M	G	V	S	D
26	27	28	29	30	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31	1	2	3	4	5	6

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

La Parrocchia

Contatore Visite

Ultimi Eventi

Calendario Eventi

Ultimi Documenti Pubblicati e Modificati

Riflessioni dal 01/10/2021 al 31/10/2021

Riflessioni del 29/08/2021 al 31/08/2021