Riflessioni dal 01/06/2021 al 30/06/2021

Contatore Visite

Oggi149

Ieri431

Mese2946

Totale586188

Online

Mercoledì, 07 Giugno 2023 07:54

Ultimi Eventi

Nessun evento

Calendario Eventi

Giugno 2023

L	M	M	G	V	S	D
29	30	31	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	1	2

Luglio 2023

L	M	M	G	V	S	D
26	27	28	29	30	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31	1	2	3	4	5	6

Ultimi Documenti Pubblicati e Modificati

05/06/2021

Di pani si visti' lu me Signuri
pi essiri ancora me Sarvaturi
e ristari sempri ca' cu mia
nti la fatica di la terra ria.

Mi dici la biddizza di la spica
ncima a na cannuzza nica nica
centu coccia di frummentu: lu suli
dopu ca' era erba e lavuri.

Mi cunta di un cocciu di chissi
cadutu nterra nivura, abissi
guncia', scoppia', mpurri', muri'
ma pi un cividdu nicu annivisci'.

Pani biancu divinta' lu suli,
mpastatu cu li sudura d'amuri
fermenta', bonu profumu si fici
nta lu furnu pi la fami d'amici.

Cu li so mani lu spezza': ncantati
pigliati, mangiati e caminati;
Iddu avi cura di l'omu sempri
e nun lu lassa sulu ma' pi nenti.

Nutrica, pasci, rafforza, medica
puru pirdunu duna, ricarica:
la vita avi bisognu di mangiari
Gesù pani si fa pi tu campari.

08/06/2021

Pani putenti, nun temi paragoni
nun si scanta mancu di lu baruni
supera lu tempu in to sintonia
e sulu costruisci na Batia.

Pani è casa, famiglia, travagliu
è viaggiu, amicizia, curdogliu
è festa, pirdunu, sana scoperta
t'aiuta a superari la tempesta.

Nun ti firmati, camina: tuttu è pani
la Virita', la Giustizia, la Paci
biddizza, armunia, musica, poesia
magari la Parola: Cristu pi mia.

Pani vosi Israeli pi rampogna
appi manna e la santa muntagna
cu la liggi di Diu, ca' è pani veru
vita sirena, caminu, morti zeru.

Pani detti a lu Tempiu Salamuni
pani vosi Binnardu di Corleuni
a cincumila pani detti lu Signuri
da nu prestitu nicu, fattu cu lu cori.

Essenziali, rigalu, prisenza
pani ci dumannamu a l'Essenza
ni lu nsigna' Gesù, nostru Signuri
pi ogni jornu, veru donu d'Amuri.

09/6/2021

Liggi ca ti minazza
crea na brutta razza
la liggi ca duna botti
porta sulu a la morti.

Chidda ca' fa sulu rigali
ti fa sempri mali
e chidda ca' sulu voli
pi alliatu nun ci coli.

Ma na liggi ci voli
fa beni all'arma e lu cori
no fridda ncapu petra
né vuddenti e nun pigli nenti.

No scritta ncapu foglia
nun sempri tu n'hai voglia
si è fatta pi tutto l'omu
va scritta ncapu peddi, comu.

La Liggi fatta di lu Signuri
è tutta scritta nta lu cori
nun si tu la misura
ma è Iddu ca' n'avi cura.

Cu la liggi ti trovi un postu
lestu lestu dintra lu costu
si la vivi e la nsigni
diventi granni, ci rassumigli.

14/06/2021

Na lingua intera, ca' nun ncancrenisci
dopu setticentunovanta "annivisci"
ci n'è una sula ni la città di Padova
pi zelu e la potenza ca' annunziava.

Nasci' a Lisbona nta lu Portugallu
terra famusa pi vinu bonu e ballu
partinu di ca' li tri Caravelli
a la scoperta di terri novi, belli.

Ntantu stu so figliu picciutteddu
Ntoniu dottu cu nidu nicareddu
lassa' agi, ricchizza e prummisi
cu Franciscu a Cristu lu so cori desi.

La so parola è meli a lu cori
putenza ca' risuscita cu mori
cunverti cu avaria nta l'erruri
pi lu diavulu è scantu, tirruri.

Duttrina semplici, duci, cumpatta
a lu latu du poviru ca' lotta
Parola, Sacramentu, la Madonna
difinnennu l'omu e puru la donna.

Di miraculi ni fici a nun finiri
servu di lu Signuri pi amuri
Iddu eni pi ognunu lu Santu
e cu la so lingua a Diu cantu.

15/06/2021

Vitu Vituzzu chi fa cu' canuzzu
mi l'assugliaru pi fari scramozzu
ma cani, liuna, nun ficiru mali
chiuieru la vucca, liccaru li pedi.

A Mazzara nascisti città bedda
Criscenzia t'allatta' puvuredda
Modestu t'educa' cristianu ti fici
Valerianu vulia la to' radici.

Na pocu di fimmini ci pinsaru
pi fallu cadiri nto panaru
l'Angilu pripara' na varca pi tri
Criscenzia, Modesto, Vitu e parti'.

Si ritruva' nta la terra du Cilentu
unni lu truva' lu surdatu attentu
purtatu a Roma nta l'Imperaturi
pi lu figliu malatu di trimuri.

Vitu lu risana' immantinenti
e turna' in saluti risplendenti
pi dirici grazii du favuri:
tu ha muriri nta l'ogliu cu vudduri.

Fu po' torturatu di che manera
terremotu misi fini a la sfera
a Sele spira' aspittannu gloria
ca' cummoglia la terra in so memoria.

20/06/2021

Dominica s'incontra lu Signuri
ascutamu so' parola d'Amuri
facemu ncetta santa di speranza
ricchi di Fidi e bona crianza.

Arriva quasi subitu la sira
nun fa ntempu a vidiri la pira
lu Signuri ti porta all'atra riva
ncapu varca cu tia e nun ti priva.

La timpesta nun tarda ad arrivari
e nun sannu mancu soccu fari
scoti lu Signuri ca' a poppa dormi
rischia puru Iddu e senza ormi.

Addiviglia la Parola ca' è viva
Chiesa Sacramentu mai tardiva
fidati di Iddu è ca' pi chissu
affidati a li mani so' e fallu spissu.

Susi la vuci Cristu ncapu mari
tuttu è nmani so' pi tu campari
lu dissi all'acqua, puru a lu ventu
carmativi: ognunu o cummentu.

Dumanna fatali di vita o morti
unni è rinchiusa nostra sorti:
"Cu è Cristu ca' parla ascutatu?
Sicutalu puru tu, mai pintutu.

21/06/2021

Luvigi lu chiamaru a lu Casteddu
quannu lu vattiaru picciliddu
figliu di Gonzaga granni marchisi
e di Marta cuntissa piemuntisi.

Mantua la città ca' lu genera'
comu fu pi Virgiliu tempu fa'
l'Europa gira' pi obbediri
priparannu la città a cumannari.

Cuminioni Borromeu la fici
li Gesuiti avia pi granni Amici
nicareddu sgiglini lu Collegiu
rinunzia' pi sempri a lu Seggiu.

Lu frati fu filici d'a' so' scerta
usa' mali putiri e la scorta
Luvigi Roma ncullegiu abita'
tra pinitenzi, prighieri e libirta'.

Filici fu sempri di ogni cosa
Bellarminu maestru plasma' la rosa
supera' formatura a prima ura
tra pinitenzi di vita futura.

La pesti lu contagia' si lu mangia'
"comu tutti" aiuta' e s'incamina'
saluta' la lustrissima cuntissa
t'aspettu da' filici, sempri la stissa.

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

La Parrocchia

Contatore Visite

Ultimi Eventi

Calendario Eventi

Ultimi Documenti Pubblicati e Modificati

Riflessioni dal 01/10/2021 al 31/10/2021

Riflessioni del 29/08/2021 al 31/08/2021

Riflessioni dal 01/09/2021 al 30/09/2021

Riflessioni dal 01/07/2021 al 31/07/2021

Riflessioni dal 01/05/2021 al 31/05/2021

Riflessioni dal 01/04/2021 al 30/04/2021