Riflessioni dal 01/05/2021 al 31/05/2021

02/05/2021

Virgini e Matri dici lu Poeta
Bedda Matri in Sicilia cantata
Avirmaria rispunni la campana
cu è viventi nesci di la tana.

Ti canuscemu uata criatura
vicina a Diu, l'omu, la natura
Tu dici "Si" progettu criazioni
ni duni Cristu, opra redenzioni.

Lu munnu sanu t'acclama Biata
nun dici no, ca' tu sì fortunata
cu lu Vangelu rileggi to' caminu
ti porti di la grutta a lu spatinu.

Di ca' nu ripartemu, Matri santa,
cu tia arrivamu a muntagna anta
semu sicuri, pi tia purificati
cu Grazia di Diu, senza piccati.

Matri d'ogni matri, scelta criatura
pietà ti piglia, semu cu primura
ni la vita tu piglia nostra manu
portani Tu a Cristu chianu chianu.

Lu nostru duluri è ca', troppu forti
lottamu ogni jornu cu la morti
rumpi Tu li catini di cu trama
resti la Bedda Matri ca' ni ama.

05/05/2021

5 maggio SANT'ANGELO martire

A lu mari li jumira si cuntaru la storia
ca' ni vidi radunati p'a memoria
di lu perversu Berengariu di Licata
ca' lu vosi mortu pi libertà a lu portu.
Ottu seculi passaru e nun pari veru
ca' Sant'Angilu ritrova
lu Profeta, lu Santu, lu Patrunu e la Bannera,
tutti cosi ca parianu di n'autra era.
Cunsignamu a la Storia st'eventu
ca' stamu edificannu a straventu.
Prigamu po' lu granni Jumi
ca' curri, canta e cunta
di darini n'aiutu pi na punta;
lu munnu sanu avi a sapiri
ca' Sant'Angilu pi nu è:
Fidi, Storia, Civiltà e Benvuliri.
Aperti comu semu a li quattru venti
n'accuntintamu di li proventi,
liberi da li mali eventi:
coltivamu bontà, pi cogliri unità;
siminamu civili, pi farini un varliri;
cu la Parola circamu lu Veru
pi turnari a essiri Nucchieru.
W SANT'ANGILUZZU
lu scrivemu vicinu a ogni puzzu.

08/05/2021

È lu 1872 Gesù Cristu ni la tomba nun c'è chiù
Vartuliddu fa prummisa contra Pafei
Purtari Cristu cu Maria ni la valli di Pompei
Scinnia cussi' di Napuli
supra un carru puzzolenti di letami
un quatru troppu granni
di Maria cu la curuna
era lordu strazzatu bruttuliddu
l'avia accattatu da rigattieri pi ottu carlini
patri Albertu Radentini
lu rigala' a suor Maria Cuncetta
la munachedda ci lu detti cu lu cori
picchi' cussi' comu era
nun sapia soccu fari
Angilu Tortona guidava lu carrettu
e nun sapia ca' era trionfu perfettu
era lu tridici nuvemmiru di lu '75
trasi' a Pompei e facia friddu
ma chi momentu beddu era chiddu
a brevi fu misu a novu
cu na trasformazioni
Minicu arrista' e Rosa Catarina divinta'
la facci di la Madonna tribulava
ma po' sula cussi' bedda divintava
Ristaurata ncurunara china di gioielli
avi postu ni lu novu Santuariu
canusciutu nta ogni calannariu
lu santu abbucatu cu Rusariu
fannu na cosa sula
catina ca' n'attacca cu amuri
a Maria e a lu Risortu Signuri
Oi ca' dissimu la Supplica
mi paria ca' c'era la musica
ca' rinnova la festa di Maria
pi fari chiù bedda l'arma mia.

10/056/2021

Lu Signuri scigli' la via du mari
pi arrivari, parlari, sarvari,
Saulu ca' segui lu profeta Giona
fici lu stessu cosa assai bona.

Lu Signuri camina nta lu mari
lu so passaggiu resta senza aguali
quarcunu sempri li ormi li leggi
e nti la via di Diu ancora si reggi.

Troadi, Samotracia, Neapoli,
Filippi, in Macedonia cu li veli
lu Spiritu a lu jumi lu trattinni
e cu li donni Paulu si ni vinni.

tanti accittaru allura la Parola
si vattiaru e si misiru a scola
Lidia allura fici stu discursu
e la facci si ci tinci di russu.

Nun vogliu nenti, ristati ni mia
pocu sirvizu fazzu a lu Messia
vi lu dicu cu forza e cu amuri
troppu vogliu beni a lu Signuri.

Lidia cussi fici postu ncasa so'
a la Parola di Diu ca' la chiamò
chista ancora è un'orma di Diu,
ca' passa, nun lu viu, ma ci criu.

11/05/2021

Iu mi vaccinu
ogni jornu ogni matinu,
lassu fora l'indifferenza
mi curu un pocu di coerenza.

A la ricerca di Verità
cunzata sempri cu Carità,
mangiu sempri tanta Parola
lu megliu e chiù di la scola.

Apru e chiudu cu la Prighiera
comu li lancetti di la sfera,
tegnu prisenti li Cumannamenti
ma senza amuri nun vannu nenti.

Fieru vaiu di lu Crucifissu
nun mi vriognu e l'abbrrazzu spissu,
lu Maestru ca' mori e annivisci
Iddu si ca' sempri mi capisci.

Iu mi vaccinu pi nun fari piccatu
lu veru COVID ca' leva lu jatu,
e ni la Chiesa cantu Avirmaria
certificatu ca' mi apri ogni via.

14/05/2021

Addiventa chiddu ca' si
cumencia a diriti, pirchi'
ni vali di la to' identità
ancora chiù pi la libertà.

Ogni cosa havi un camminu
ti lu dici la Genesi di vicinu
la vita ca' nasci mperfetta
ad ogni passu ti metti all'erta.

Semu crita ca' va modellata
casa pi lu SPIRITU adattata
ntilligenza, vita, nobiltà
ca rimanu cu immortalità.

Duna sempri spaziu a la virtù
cu esercizii di scelti blue
la prighiera fa parti di la vita
l'occhiu to' attira a calamita.

Nun diri ca' cridi abbone'
semu fatti pi diri soccu c'è
ni la vita unni Cristu n'aspetta
coerenti e vita sempri retta.

Addiventa chiddu ca' si
lu munnu s'adduna, ti capi'
ti pari luntanu, un pocu ostili
ti rispetta bonu vinu di varliri.

26/05/2021

Filippu Neri di l'Arnu veni
nobili casa lu genera'
di granni ngegnu lu dota'.
Rischia' di perdisi tra li tanti ragli
e ripiglia' la vita cu boni brigli
a lu Signuri detti boni ntenzioni
e lu sirvi na vita cu divuzioni.
Lu so cori sulu pi Iddu battia
e ci rumpi li costi comu na statia.
Si detti a la cura di li picciotti
grapennu Oratori di vita e no di morti
si fici aiutari di autri parrini
ca po' si chiamaru Filippini.
Granni cunfissuri di Roma e dintorni
dava pinitenzii sulenni
educava accussì li cuscenza
cangiannu lu cori a bona crianza.
Lu lottaru tutti a bona manera
cunzannuci tranelli traditura
li lassa' cu un parmu di nasu
la grazia di Diu lu vosi illesu.
Puru lu Papa lu misi a la prova
e lu truva' giustu: bella nova
ci detti la Birritta di Cardinali
e ni fici cosa nova pi jucari.
Faciti li bravi si putiti
addivirtitivi e nun faciti piccati
preferisciu lu Paradisu
na cosa di chista mai ntisu
chistu è Filippu lu santu
ca' mi dici: fa' altrettantu.

27/05/2021

Avirmaria prighiera rigali
va ricita' pi prima nostru Signuri
cu l'Angilu Gabrieli a Nazareti
quannu lu munnu era npaci.
Paria sulu salutu
ed era na richiesta di aiutu
a na carusa di nomu Maria
maritata ad un omu di nomu Giseppi.
Avirmaria continua l'Angilu
tu duna spaziu sanu a lu Signuri
e Iddu ti duna lu Spiritu so'
ca opera si tu lu vo'.
Fiat ci dissi Maria
e lu Figliu di Diu stetti cu mia.
Ci mancava Lisabetta la cuscina
Biniditta tu pi l'eternità
tra tutti lì fimmini di la terra
e binidittu lu Figliu to ca' è Sarvaturi.
La Chiesa finisci Avirmaria
e la chiama Matri di Diu
e ci dumanna di fari so la prighiera
pi l'umanità fatta di piccatura:
assistita ora e ni l'ura di morti
prima di arrivari davanti a la Corti.
Amen

28/05/2021

Chissa è Avirmaria:
ca' junci la terra a lu celu
fatta di Diu e di l'omu:
ti fa vidiri l'amuri di Diu
nobilita la to' fragilità di omu:
mai chiù nobili catina;
cu l'assapura si ci perdi nchinu.
Misteru, Vita, Progettu, autru ca' paroli.
Nun dici ma' la stessa cosa
ti cangia ad ogni posa:
si cu Diu: usi li so Paroli
si cu la Chiesa: ti è vicina dignitusa
si cu l'omu: c'è chiddu ca' ci servi
c'è tutta la natura: si risbiglia e si riposa.
Li campani, la campagna,
la vucca, lu cori
cantanu ogni jornu Avirmaria
pi cu nasci e cu mori
lu malatu e lu travagliaturi:
lu munnu sanu avi a sapiri
ca' Maria, dopu Diu, è la chiu' granni
salutalla è sarvizza,
prisenza di prighiera, ad ogni artizza.
AVIRMARIA

L	M	M	G	V	S	D
30	31	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	1	2	3	4	5

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

La Parrocchia

Contatore Visite

Ultimi Eventi

Calendario Eventi

Ultimi Documenti Pubblicati e Modificati

Riflessioni dal 01/10/2021 al 31/10/2021

Riflessioni del 29/08/2021 al 31/08/2021

Riflessioni dal 01/09/2021 al 30/09/2021

Riflessioni dal 01/07/2021 al 31/07/2021