Riflessioni dal 01/04/2021 al 30/04/2021

Dopu la quaresima affruntamu
la simana santa sina 'nfunnu
Cristu ca' trasi 'nta la città santa
cu la genti ca' grida, prega e canta.

Semu cu Iddu 'ncasa di amici
a starci vicinu comu si dici
mortificati comu cavalieri
pi un profumu ca' fa di bilancieri.

Lu jovidi a la cena cu lu cori
senza acqua pi lavari li pedi
ma lu tradimentu è tuttu dà
ni l'Apostuli so' cu Juda'.

Lu tribunali si aprì all'ortu
cu l'arrestu di Gesù accortu
po' la cunnanna a lu Tempiu
cu farsi testimoni pi scempiu.

Lu venniri è 'manu a Pilatu
ca' si lava li mani 'nta lu catu
po lu manna a muriri 'ncruci
e libera Barabba tra li vuci.

La duminica: l'avia prummisu
nisci' di la tomba gluriusu
guardii pagaru pi 'mbrugliari
Gesù continua a nuatri liberari.

Maestru, mai stancu di sarvari:
tenini forti cu tia pi sempri campari.

07/04/2021

Lassaru la città troppu delusi
da l'esperienza di Gesù traduti
ci avianu cridutu assa' filici
si portanu 'ncoddu amari radici.

Ci stava bonu stari suli e chiusi
quarcunu si junci' cu tanti scusi
pirchi' tanta tristizza malincunia
ni sta bedda jurnata pi la via?

Sulu tu nun sa nenti di l'eventi
Gesù amicu nostru, da li genti
cunnannatu a morti 'ncapu cruci
e da li nostri capi, pirchi' duci.

Testi duri, sintiti la Parola
la spiegu a pizzuddi tutta sana
chiddu ca successi era scrittu
lu munnu ora torna chiù dirittu.

Ci caperu nenti, na cosa sula
era n'amicu, ni capia di scola
resta ci dissiru, nun ti ni jiri
c'è scuru e di notti ca' jri a fari.

Fu accussì ca' piglia' lu pani
lu rumpi' e ci lu detti 'mani
lu canusceru, cangia' tuttu
'ncitta' curreru a cori ruttu.

Cuntaru tuttu chiddu ca' successi
ni la via ca' porta a Emmaussi
la gioia d'ascutari la Parola
ca' si fa Carni, Pani e granni Gioi

0'8/04/2021

Lu 'ncuntraru, lu cuntaru, ancora
lu vittiru cu tutti su Parola
cu ascuta la Parola ascuta a mia
cu rifiuta rifiuta puru a tia.

Da Emmaussi arrivati 'ncitta'
cuntaru tuttu cu cori e virita'
Cristu fu prisenti immantinenti
pi novu camminu d'iddi e lì genti.

Ci parsi però un fantasima lucenti
quannu ca' si lu vittiru splendenti
mustrani li mani firuti e pedi
e si mangia' lu pisci cu lu pani.

Aprì doppu lu cori a la Parola
Mosè, Profeti, Salmi e ancora
era scrittu tuttu di la Passioni
anchi di tri jorna e Risurrezioni.

Chiddu ca' ata cuntari: tuttu ca'
morti, risurrezioni: la Virita'
pirchi' la genti cridi e si cunverti
e torna a la vita di la morti.

Si parti da Sionni pi lu munnu
vu siti testimoni da lu funnu
Signuri, povira parola nostra
ascuta: stu virus 'nti la fossa sposta.

09/04/2021

Era matina, quasi a lu portu
quannu turnaru cu tantu sconfortu
na nuttata sana di travagliari
e mancu na sula lisca di piscari.

Bannunati pinsavanu di Gesù
di Iddu nun ni vulianu sapiri chiù
quannu di la riva quarcunu grida'
ietta la riti a diritta e fatti chiù da'.

Chi capita', cu fu, comu successi?
cunfisioni si sinteru persi
la riti china, la varca affunnava
lu Signuri era da' caminava.

Purtati lu pisci, ca' c'è lu focu
cottu subitu, mittitilu docu
mangiatilu tutti, sugnu ancora ca'
nun vi lassu suli v'aspettu chiù da'.

Centucinquantatri grossi pisci
così assa' strani, cu ci capisci?
cuminciava la nova avventura
cu Gesù viventi no' 'nfigura.

Signuri ca' nun ni lassi ma' suli
e ti sta cu nu sulu pi Amuri
liberani di chista pandemia
mentri ti cunfissamu pi la via.

10/04/2021

Chiudemu la simana d'u Risortu
cu l'apparizioni dupu mortu
a fimmini e genti di campagna
a li dispepuli a tavula magna.

Fici la facci dura a tutti quanti
pirchi' nun crideru a tanta genti
po' ci dissi: partiti pi lu munnu
cuntati a tutti Verità di funnu.

Cristu di mortu è risuscitatu
nova vita di Diu ha ripurtatu
Adamu avia pirdutu ni la prova
Gesù ritorna comu prima nova.

Caperu picca, beddi, forsi nenti
ma cori angustiatu fu cuntenti
ci pensa Iddu all'opira china
cu lu Spiritu so comu acquazzina.

Comu omu m'addumannu e dicu
comu fici a farisi minnicu
affidari tutta quanta l'opra so'
ad un pugnu d'omini ca' dubito'?

Chiaru, semplici, anzi evidenti
fici fari caminu travulgenti
pi aiutari munnu ed abitanti
vinciri lu mali, pi essiri santi.

11/04/2021

Tutti 'nchiusi pi lu scantu
e Masiddu fora e vantu
quannu vinni lu Signuri
mancava unu e fu tirruri.

Iddu vinni e tu nun c'eri
detti Spiritu 'mputiri
pirdunari li piccati
e a tutti pietati.

Nun ci criu si nun viu
li firiti fattu riu
si nun toccu e mettu manu
'nta li chiaghi chianu chianu.

Ottu jorna e semu a capu
porti chiusi a nuddu grapu
trasi' ancora lu Signuri
allustra' tutti lì cori.

Masi veni pi favuri
vidi e tocca cu lu cori
tu vidisti e ci cridisti
santi tutti pi to' visti.

Signuri miu Diu miu
grida' Masi cori piu
e la so cunfissioni
misi tutti a suggezioni.

Puru iu Gesù addumannu
veni 'ncontru a lu me sbannu
scaccia chista pandemia
nu appartinemu a tia.

12/04/2021

Pitrinu e puru Giuvanni
lu nicu e lu chiù granni
vannu 'nsemula a prigari
c'è quarcunu d'aiutari.

Ammuddatu dà davanti
dumanna pi ghiri avanti
oru e argentu nun ci n'è
ma Gesù la sarvizza è.

Si susini comu nenti
filici, assa' cuntenti
trasi' dintra a prigari
vitti li du' 'nterrogari.

Chi è chista storia blù
di Gesù, basta bonu chiù
Tempiu nun è spitali
postu sulu pi prigari.

Po' li arristaru puru
catini e cori duru
processati da la corti
l'assurvi' pi bona sorti.

Nun parlati chiù di Cristu
fu sprimutu comu mustu
nun è ma' risuscitatu
nuddu mai ritornatu.

A Diu sempri bidienza
dissi Petru cu decenza
l'omu s'avi accuntintari
di muddichi pi campari.

21/04/2021

Fu lu primu scigliutu tra li setti
pi purtati caritati a tutti
diacuni su chiamati d'a Chiesa
a servizio di tutti comu cosa.

Pi tantu beni ca' facia a tutti
ci assuglliaru li genti chiù ricchi
l'accusaru fari rivoluzioni
e di lu Tempiu la distruzioni.

S'incaniaru po' chissà quannu
nun pottiru rispunniri cu 'ngannu
lu vittiru lucenti e risplendenti
"Viu lu celu e Cristu cu li santi."

Testi farsi allura ci pagaru
davanti o tribunali l'accusaru
"Bestemia contru Diu e Mosè
contra la Liggi e lu Tempiu vide'."

Senza pinsarici mancu du voti
parti' brutta raffica di petri
Pirdunali prigava Stefanuzzu
chiossa' di chistu pi iddi nun pozzu.

Cridenti credibili di sti tempi
si prisicutu tra tutti lì genti
Stefanu resta sempri lu Patrunu
di cu predica e ama unu a unu.

22/04/2021

Atti di Filippu di Betsaida
'nfattu di nummari avi l'aria
canusci bonu latinu e grecu
circatu pi purtari genti docu.

Susiti lestu nesci di la stanza
piglia la strata ca' porta a Gaza
la strata è deserta ma tu sta attentu
dissi decisu lu Spiritu Santu.

Fini la festa turnava a lu regnu
l'Etiopi eunucu elevatu a rangu
ca avia a chi fari cu li Nuci
di la putenti regina di Cantaci.

Firma' lu carru lu fici acchianari
Isaia dicia di na passioni
comu na picuredda a lu macellu
n'agnidduzzu tunnutu fattu beddu.

Di cu ni parla ci dissi, dimmillu
parla di n'autru o parla d'iddu
Filippu ci spiega' di Gesù Cristu
nun resistu, no: mi vattiu lestu.

Scinni lu vattia' e scumpari'
nun lu vitti da' e 'nta lu cori gudi'
Filippu tra Azotu e Cesarea
pridicava, cunvirtia quantu ci n'era.

23/04/2021

Cantari cu Paulu allegra lu cori
pirchi è na funtana di Amuri
nun è capaci di fari mali a nuddu
rispunni a Diu ca' porta a tutti 'ncoddu.

Nun supporta chista nova duttrina
idda porta pi Israeli rovina
prova ad arginare la ferita
ncatina li seguaci pi bandita.

Ma Quarcunu 'nta la strata lu firma'
Saulu pirchi' a pirsiguitari mi sta
cu si Signuri dissi ca' ti parlu
IU sugnu cu tu 'ncatini nun fallu.

Orbu rista' in via diritta si firma'
arriva' Anania Gesù lu manna'
sapia tuttu di Iddu e appi scantu
lu Signuri ci dissi è già un santu.

Sapi quantu avi pinari pi mia
ma nun si arrennira' pi la via
Saulu fratuzzu mia lu saluta'
lu Signuri mi manna ca' ti sarva'.

Fu vattiatu aprì l'occhi fu cuntenti
era n'atru omu: servu di li genti
nun persi tempu stetti cu li fratelli
né trascura' li sinagoghi belli.

24/04/2021

L'atti di Pitrinu ni la Chiesa
bastano pi costruirini la casa
chidda ca' ni prummisi lu Signuri
ca' resta l'unicu nostru Sarvaturi.

Si mossi a viaggi pastorali
visitannu lì genti e li locali
lu primu fu fattu a Lidda in Giudea
c'era un malatu di nomu Enea.

Ott'anni prima avia paralizzatu
stava 'ncapu na barella stinnutu
Enea, dissi, Gesù ti guarisci
susiti, lu to' duluri finisci.

Facianu festa 'ntunnu a Enea
quannu arriva' quarcunu ca' dicia
a Giaffa muri la bedda Tabita'
unni praticava tanta carità.

Purtati a Petru pi na prighiera
cusa' ca' na riporta comu era
Pitrinu arriva': gia' sistimata
tutti ci prinsintaru so' jurnata.

Nisciuti tutti si misi a prigari
Tabita', susiti torna a campari
appri l'occhi, e ci detti la mano
po' la purta' a tutti a pedi chianu.

Paroli e signi fannnu clamuri
portanu tanti genti a lu Signuri.

25/04/2021

Era dà nta u jardinu
sulu a giru un linzolu
si ni scappa' sulu nudu
a quarcunu nfastidiu.

Poi fici opri granni
purta' pani a Gerusalemmi
cu Barnaba e Pauliddu
conquistatu pi un capiddu.

Beddu figliu ntilligenti
cu Pauliddu sirvi genti
detti a Iddu divuzioni
e cu Cristu rivoluzioni.

Cu Pitrinu po' lu cangia'
figliu miu sì lu chiama'
scrissi nzemula Vangelu
p'Alessandria appi zelu.

Ci truva' gloria e morti
cunnannatu a mala sorti
la catasta era pronta
da lu focu all'atra sponda.

A Venezia lu purtaru
cu lu liuni paru paru
Marcu beddu Evangelista
porti Cristu in bedda vista.

Caccia via sta pandemia
amamu a Cristu e a tia.

26/04/2021

Era na specie di tribunali
unni trasi' Simuni u pastorali
"na diri ora ca' siduta stanti
pirchi' mangi unni de je cu l'abitanti"?

Era a Giaffa dissi lu Patriarca
era nprighiera e m'affaccia' l'arca
un linzolu enormi a quattro cocchi
scinnia du celu e dinchia l'occhi.

Armali d'ogni specie e misura
na vuci dicia: mangia è ura
nun l'haiu fattu ma' cu roba mpura
pirchi' di Jahvè n'aiu sempri cura.

Nun diri mpuru lu purificatu
dissi la vuci: nun è chiù piccatu
unn'avia finutu la visioni
quannu arriva' genti mprucissioni.

Unu ti cerca, veni a Cesarea
na visioni pi chiamari a tia
lu Spiritu mi cunfurta' va sicuru
porta dà la luci unni c'è scuru.

Cuminciu a parlari ed eccu scinnia
lu Spiritu Santu come addavia
Fermati Simuni semu cuntenti
lu Spiritu è pi tutti lì genti.

27/04/2021

Pirsicuzioni è comu lu ventu
porta lu pani a ogni cunventu
cu la Parola la paci la gioia
china la testa e po' si rinnova.

Da Sionni parteru li seguaci
timennu a fini cu petri veraci
da amici e parenti si rifugiaru
Cristu la Chiesa cuntaru cantaru.

Fenicia Cipru Antiochia
Cristu era comu na malatia
comu a Cipru e puru a Cireni
tucca' li greci di populu beni.

Da Sionni fu Barnaba mannatu
omu saggiu sapienti di satu
truvani prestu Poliddu a Tarsu
e Antiochia diventa' un assu.

Ci fu tanta gioia cominioni
ca' tutti nfervora' ni la missioni
e all'esternu di stu va e veni
coniaru lu nomu: CRISTIANI.

Accussì li chiamaru li seguaci
di lu Signuri ca' murini ncruci
ma po' risuscita' a vita nova
cunfirma' la Virita' cu la prova.

28/04/2021

Cu trova n'amicu trova un tesoru
e turnamu a l'esami di bon novu
Saulu e Barnaba vannu a Sionni
verifica di duttrina a tutti banni.

Turnaru allura ad Antiochia
chidda chi sarà la nova Turchia
portanu a Giuvanni dittu Marcu
concorda cu Cristu comu un arcu.

Ca' c'è na ricchizza c'è na Batia
carità, Parola e Liturgia
profeti, maestri, personaggi
signalanu la via cu so' raggi.

Barnaba, Simeoni dittu Niger
Luciu di Cireni e Manaenni ca' jucava nicareddu cu lu Re
e Saulu ca' fa lustru unni de je'.

C'era na liturgia e dijunu
lu Spiritu dissi a quarchedunu
sunnu pi mia Saulu e Barnaba
c'è n'opira granni ca' Iddi garba.

Misiru mani ntesta li mannaru
unni lu Signuri li destinau
Seleucia, Cipru e Salamina
cantaru a Cristu a vuci china.

Chista la Parola chi camina
nto cori di l'omu a testa china.

29/04/2021

Quannu ca' la donna picca cuntava
Catarina nica a tutti reagia
rifiuta' matrimoni e zitaggiu
e sulu a Cristu Re detti agiu.

Mantellata si fici ed era sula
ncasa era donna di prighiera
nun sapia leggiri né scriviri
ma a cu ncuntrava dava a viviri.

Siena era china di la so fama
e a Firenzi arriva' la so filama
la mannaru ad Avignoni llu Papa
ambasceria di paci accumpagnata.

Picca potti fari pi lu pirdunu
autri travagliaru a ferru chinu
purta' narre' lu papa a San Giuvanni
gira' la storia di tanti anni.

Mistica, filosofa e maestra
so casa era mistica palestra
po' scrissi littri e trattati tanti
a lu Papa li Re e li putenti.

Cunsigliera la chiamaru a li banni
l'urtimu lu Papa a Roma granni
unni ci muri purtannu l'unità
nta tutta la Chiesa e la so citta'.

Patruna cu li chiaghi di lu Signuri
liberani di chistu gran tirruri.

30/04/2021

Nun c'è curpa pi chiddu ca' successi
tuttu previstu e quarcunu lu scrissi
puru Gesù priga' pi lu pirdunu
di tutta la nazioni e ogni omu.

Li traineddi, l'imbrogli, u processu
Pilatu fu mplicatu comu fessu
l'Apostuli scantati a lu sbaragliu
tuttu nun è successu no' pi sbagliu.

anchi li surdati ca' lu nchiuvaru
a la cruci cu briganti l'associaru
mancu un'ossu ci ruppiru pero'
quarcunu Diu veru lu cunfisso'. Tomba nova ci dettiru scavata
sigillata, ni la notti guardata
vivu di lu sepulcru nisci fora
beddu splindenti cussi comu era.

A l'Apostuli lu Spiritu detti
puru Masiddu ca' prima nun c'era
po' nta lu munnu a tutti manna'
accumencia Sionni, dissi, di ca'.

Chistu ci dissi Paulu cu gioia
ad Antiochia di Pisidia
e nun vi scurdati ca' Davidi cantau
Tu sì me Figliu oi ti generavu

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

Riflessioni dal 01/10/2021 al 31/10/2021 - Domenica, 10 Ottobre 2021 11:24

Riflessioni dal 01/09/2021 al 30/09/2021 - Domenica, 10 Ottobre 2021 11:19

Riflessioni del 29/08/2021 al 31/08/2021 - Domenica, 10 Ottobre 2021 11:08

Riflessioni dal 01/07/2021 al 31/07/2021 - Venerdì, 20 Agosto 2021 10:09

Riflessioni dal 01/06/2021 al 30/06/2021 - Venerdì, 20 Agosto 2021 10:00

La Parrocchia

Contatore Visite

Ultimi Eventi

Calendario Eventi

Ultimi Documenti Pubblicati e Modificati

Riflessioni dal 01/10/2021 al 31/10/2021

Riflessioni del 29/08/2021 al 31/08/2021

Riflessioni dal 01/09/2021 al 30/09/2021

Riflessioni dal 01/07/2021 al 31/07/2021

Riflessioni dal 01/05/2021 al 31/05/2021